Córas Scórála Pointí Ionad na nIarratas ar an Máistir Gairmiúil san Oideachas (NUI) - 2024 Entry
Is é an bunriachtanas i gcomhair iontrála ná bunchéim incháilithe Leibhéal 8 de chuid Ollscoil Náisiúnta na hÉireann (NUI), nó a hontamhail, faoi mar atá mínithe anseo, ag iarratasóir sula féidir leis iarratas a sheoladh isteach. Maidir leo siúd ar fad nach bhfuil an chéim fós críochnaithe acu agus iad ag comhlánú na foirme iarratais, déanfar iad a mheas de réir na dtorthaí scrúduithe deireadh bliana acadúla is deireanaí atá acu. (Ná seol isteach torthaí ERASMUS). I gcás cúrsaí céime atá á measúnú le ‘Meán Grád-Phointe’ (GPA) is é an GPA is deireanaí atá ag iarratasóir an ceann a úsáidfear.
D’fhéadfadh sé go dtairgfear áiteanna sealadacha dóibh ach an chéim a chríochnú go hiomlán, gan teip a fháil. Déantar iarratasóirí a bhfuil bunchéim incháilithe leibhéal 8 acu nuair a dhéanann siad iarratas a mheas ar a gcuid torthaí céime.
Bronnfar pointí bunaithe
- ar fheidhmíocht i mbunchéim incháilithe leibhéal 8 agus
- aon cháilíochtaí iomchuí acadúla breise (más ann dóibh).
- rtaithí ghairmiúil chuí, más ann
Pointí as taithí ghairmiúil chuí
- D’fhéadfaí suas le cúig phointe a thabhairt mar aitheantas ar fhostaíocht íoctha lánaimseartha a mheastar a bheith cuí, agus a fhéadfar a dheimhniú. Tabharfar pointe amháin de ghnáth do gach bliain taithí chuí, suas le cúig phointe ar a mhéad
- D’fhéadfaí suas le dhá phointe bhreise a thabhairt mar aitheantas ar fhostaíocht íoctha pháirtaimseartha a mheastar a bheith cuí, agus a fhéadfar a dheimhniú. Tabharfar pointe amháin de ghnáth do gach bliain taithí chuí, suas le dhá phointe ar a mhéad
Pointí as léirithe acadúla
Tabharfar pointí d’iarratasóir de réir na marcanna céatadánacha a fhaigheann an t-iarratasóir sin sa scrúdú cuí agus a chuireann an Ollscoil/Institiúid ar fhreastail sé/sí uirthi ar fáil, nó tabharfar pointí d’iarratasóirí de réir mar a chinnfidh Ionad na nIarratas ar An tIonad Iarratas Iarchéime (PAC), ar bhonn an eolais atá curtha ar fáil ag an iarratasóir. I gcás gradam seachas gradaim eile de chuid Ollscoil na hÉireann (NUI), déanfar iad a ríomh go coibhéiseach. Forchoimeádann an tIonad Iarratas an ceart chun cibé cinntí, breithiúnais agus ríomhaireachtaí a dhéanamh is cuí leis, de réir an eolais a bheidh ina sheilbh, le linn dó pointí a shannadh do thorthaí acadúla, do cháilíochtaí breise agus do thaithí ghairmiúil.
Taispeánann na táblaí seo a leanas an líon pointí a thabharfar do thorthaí bunchéime/céime, do cháilíochtaí acadúla breise agus do thaithí ghairmiúil.
Tá an córas pointí d'fheidhmíocht acadúil atá leagtha amach thíos ceaptha chun gach bunchéim incháilithe leibhéal 8 a chur san áireamh – lena n-áirítear céimeanna onóracha le dhá ábhar, céimeanna aon ábhair agus céimeanna le hábhar amháin ag leibhéal onóracha agus ábhar amháin ag leibhéal pas. I gcás céimeanna ginearálta incháilithe Leibhéal 8 de chuid Ollscoil na hÉireann (i.e céimeanna pas le trí ábhar) dáilfear pointí ag úsáid an sceidil do pháipéir phas.
Ba cheart go gcabhródh an méid seo a leanas leo siúd a dteastaíonn uathu a gcuid pointí a ríomhTabharfar pointí d’iarratasóir de réir na marcanna céatadánacha a fhaigheann an t-iarratasóir sin sa scrúdú cuí agus a chuireann an Ollscoil/Institiúid ar fhreastail sé/sí uirthi ar fáil, nó tabharfar pointí d’iarratasóirí de réir mar a chinnfidh Ionad na nIarratas ar An tIonad Iarratas Iarchéime (PAC), ar bhonn an eolais atá curtha ar fáil ag an iarratasóir.
- Uaslíon Pointí d’iarrthóirí le bunchéim incháilithe leibhéal 8 a bhfuil dámhachtain onóracha ar fáil di: 51 pointí
- Uaslíon Pointí d’iarrthóirí le bunchéim incháilithe leibhéal 8 nach bhfuil dámhachtain onóracha ar fáil di: 45 pointí
- Uasmhéid Pointí d’iarrthóirí le bunchéim incháilithe leibhéal 8 le dhá ábhar, a bhfuil onóracha ar fáil d’ábhar amháin inti ach gan a bheith ar fáil don ábhar eile: 48 pointí
CÉADATÁN MARC RAON | RAON GPA | RAON QCA | POINTÍ PME PAC | ||||
---|---|---|---|---|---|---|---|
Íochtar | Uachtar | Iochtar | Uachtar | Íochtar | Uachtar | Céimeanna NACH féidir Onóracha a bhaint amach iontu | Céimeanna ar féidir Onóracha a bhaint amach iontu |
78.00 | 100.00 | 4.18 | 4.30 | 3.88 | 4.00 | 51 | 45 |
76.00 | 77.99 | 4.06 | 4.17 | 3.76 | 3.87 | 50 | 44 |
74.00 | 75.99 | 3.94 | 4.05 | 3.64 | 3.75 | 49 | 43 |
72.00 | 73.99 | 3.82 | 3.93 | 3.52 | 3.63 | 48 | 42 |
70.00 | 71.99 | 3.70 | 3.81 | 3.40 | 3.51 | 47 | 41 |
68.00 | 69.99 | 3.58 | 3.69 | 3.32 | 3.39 | 46 | 40 |
66.00 | 67.99 | 3.46 | 3.57 | 3.24 | 3.31 | 45 | 39 |
64.00 | 65.99 | 3.34 | 3.45 | 3.16 | 3.23 | 44 | 38 |
62.00 | 63.99 | 3.22 | 3.33 | 3.08 | 3.15 | 43 | 37 |
60.00 | 61.99 | 3.10 | 3.21 | 3.00 | 3.07 | 42 | 36 |
58.00 | 59.99 | 2.98 | 3.09 | 2.92 | 2.99 | 41 | 35 |
56.00 | 57.99 | 2.86 | 2.97 | 2.84 | 2.91 | 40 | 34 |
54.00 | 55.99 | 2.74 | 2.85 | 2.76 | 2.83 | 39 | 33 |
52.00 | 53.99 | 2.62 | 2.73 | 2.68 | 2.75 | 38 | 32 |
50.00 | 51.99 | 2.50 | 2.61 | 2.60 | 2.67 | 37 | 31 |
48.00 | 49.99 | 2.38 | 2.49 | 2.48 | 2.59 | 36 | 30 |
46.00 | 47.99 | 2.26 | 2.37 | 2.36 | 2.47 | 35 | 29 |
44.00 | 45.99 | 2.14 | 2.25 | 2.24 | 2.35 | 34 | 28 |
42.00 | 43.99 | 2.02 | 2.13 | 2.12 | 2.23 | 33 | 27 |
40.00 | 41.99 | 1.90 | 2.01 | 2.00 | 2.11 | 32 | 26 |
Ríomhaireachtaí Samplacha bunaithe ar an tábla pointí thuas
- Fuair Mac Léinn A 63% in ábhar X agus 52% in abhar Y. Bhí an dá ábhar i gcéim incháilithe leibhéal 8 a bhfuil dámhachtain onóracha ar fáil di. Is é atá i marc céatadánach foriomlán Mhac Léinn A ná (63 + 52) ? 2 = 57.50% agus tá sé sin comhionann le 40 phointe.
- Fuair Mac Léinn B 63% in ábhar X agus 52% in abhar Y. Bhí an dá ábhar i gcéim incháilithe leibhéal 8 NACH bhfuil dámhachtain onóracha ar fáil di. Is é atá i marc céatadánach foriomlán Mhac Léinn B ná (63 + 52) ? 2 = 57.50% agus tá sé sin comhionann le 34 bpointe.
- Tá céim incháilithe leibhéal 8 le dhá ábhar déanta ag mac Léinn C, a bhfuil onóracha ar fáil d'ábhar amháin 'T' inti agus nach raibh onóracha ar fáil don ábhar eile di, ábhar ‘U’. Fuair Mac Léinn C 58% san ábhar onórach ‘T’, agus 54% san ábhar pas ‘U’.
Chun líon na bpointí a ríomh do mhac Léinn C, déantar na pointí a théann leis an 58% d’ábhar ‘T’ agus na pointí a théann leis an pointí d’ábhar U a chur le chéile agus ansin roinntear an figiúir ar a dó leis an méan a ríomh i bhfoirm pointí (i.e. 58% Onóracha = 41 pointe; 54% Pas = 33 pointe; 41 pointe + 33 pointe = 74 pointe ÷ 2 = 37 pointe san iomlán). - (a) NÍ bhaineann an sampla seo leis an gCéim Onóracha Aonair Leibhéal 8 ó Choláiste na hOllscoile, Corcaigh (1989 – 1999).
- (b) Sna cásanna sin ina gcuirtear eolas ar fáil maidir le hainmniúchán onóracha/pas ag Leibhéal modúlach, déanfar scóir meánphointí ualaithe a ríomh.
- Tá clár do chéim onóracha leibhéal 8 déanta ag mac Léinn D ina raibh líon áirithe modúl/cúrsaí. Is é atá i marc céatadánach foriomlán mhac Léinn D ná 64.32%, atá comhionann le 44 phointe.
- Tá clár do chéim pas leibhéal 8 déanta ag mac Léinn E ina bhfuil líon áirithe modúl/cúrsaí. Is é atá i marc céatadánach foriomlán mhac Léinn E ná 64.32%, atá comhionann le 38 bpointe.
Nóta:
Cáilíochtaí | Pointí |
---|---|
PhD. | 10 |
Céim Mháistreachta | 6 |
Dioplóma Iarchéime/Ard-Dioplóma | 3 |
Ard-Teastas | 1 |
Cáilíochtaí | Pointí |
---|---|
An Dara Bunchéim | 4 |
Dioplóma – ar a laghad bliain amháin go lánaimseartha nó dhá bhliain go páirtaimseartha. | 2 |
Teastas – ar a laghad bliain amháin go lánaimseartha nó dhá bhliain go páirtaimseartha. | 1 |
Ní thabharfar pointí d’aon cháilíocht a fhaigheann iarratasóir mar chuid d’Ard-Cháilíocht and level 7 as part of a level 8 award e.g. Dioplóma Náisiúnta mar chuid de Chúrsa Céime.
Ní mór go mbeadh gach cáilíocht a chuirtear isteach le measúnú a dhéanamh uirthi bronnta roimh 01 Nollaig 2023.
Pointí as Taithí Ghairmiúil chuí
D’fhéadfadh taithí ghairmiúil a bheith ag iarratasóirí ar an PME a bhaineann lena n-ábhair teagaisc, nó taithí ghairmiúil ag obair le daoine óga. Mar aitheantas ar luach na taithí seo, d’fhéadfaí pointí breise a thabhairt.Ach chun a chinntiú gur féidir iad a dheimhniú, ní thabharfar pointí ach ar fhostaíocht íoctha a d’fhéadfaí a dheimhniú trí cháipéisíocht chuí.Chun pointí breise a éileamh, ní mór duit litir a fháil ó d’fhostóir ag léiriú dátaí tosaithe agus críochnaithe, tuarastal agus cur síos ar an ról agus ba chóir duit a bheith in ann cuntais chánach a sholáthar chun tacú leis seo más gá.
Ní thabharfar pointí ach as taithí ghairmiúil a mheasfar a bheith cuí. Is iad na dá chineál taithí a mheastar a bheith cuí (i) obair ghairmiúil (ag leibhéal céime go hiondúil) a bhaineann leis an ábhar teagaisc, agus (ii) taithí ar obair le daoine óga i ról a bhaineann le teagasc. I ngach cás, caithfidh an taithí maireachtáil tréimhse áirithe agus a bheith ag leibhéal sách ard le go mbronnfaí pointí breise uirthi.
Bronntar pointí in dhá chatagóir:
- Taithí ghairmiúil íoctha lánaimseartha. Más taithí chuí atá ann, tugtar pointe amháin as gach bliain fostaíochta, suas le cúig phointe ar a mhéad.
- Taithí ghairmiúil íoctha pháirtaimseartha. Más taithí chuí atá ann, tugtar pointe amháin as gach bliain fostaíochta, suas le dhá phointe ar a mhéad.
Tabhair faoi deara:
- Ní thabharfar pointí má bhíonn an t-eolas a chuirtear ar fail doiléir nó neamhiomlán.
- Is iad foireann PME PAC, thar ceann na n-ollscoileanna, a bhronnfaidh pointí as taithí ghairmiúil.
- Ní thabharfar pointí as teagasc i scoil dara leibhéal fad a bhí an duine neamhcháilithe.
Inghlactha chun críche pointí de ghnáth | Níl inghlactha | |
---|---|---|
In oideachas | Teagasc lánaimseartha i scoil i dtír eile.
Ag obair go lánaimseartha mar chúntóir riachtanais speisialta. Ag obair mar chúntóir ranga lánaimseartha. Teagasc lánaimseartha ag an tríú leibhéal nó coláiste breisoideachais. Teagasc lánaimseartha i scoil (roinnt bheag cásanna i scoileanna CGO). | Ag obair i ról neamhtheagmhála i scoil, cosúil le cúramóir scoile |
Ag obair le daoine óga | Fostaíocht lánaimseartha mar chóitseálaí spóirt. Fostaíocht lánaimseartha mar eagraí óige. Fostaíocht lánaimseartha mar oibrí sóisialta. Fostaíocht lánaimseartha i naíonra/suíomh cúraim do ghasúir | Ag obair mar thraenálaí pearsanta |
Bainteach leis an ábhar teagaisc Obair ghairmiúil a bhaineann leis an ábhar céime, ag leibhéal céime | Fostaíocht mar Chuntasóir (do mhúinteoirí Staidéar Gnó) Fostaíocht mar aistritheoir (do mhúinteoirí teanga) Fostaíocht mar eolaí saotharlainne (do mhúinteoirí eolaíochta) | I bhfostaíocht nach bhfuil scileanna gairmiúla riachtanach ina leith (e.g beár nó bialann). Ag obair i réimse nach bhfuil gaolmhar leis an ábhar teagaisc (e.g céimí staire ag obair i bpost riaracháin agus ag iarraidh stair a mhúineadh). |
Nóta: Meastar go gciallaíonn fostaíocht lánaimseartha uaireanta lánaimseartha. Tá fostaíocht leanúnach ar feadh tréimhse 9 mí ar a laghad de dhíth chun pointí do bhliain amháin a éileamh.
Is féidir fostaíocht pháirtaimseartha a mheas (i) mar fhostaíocht pháirtaimseartha ar feadh na bliana, nó (ii) fostaíocht lánaimseartha ar feadh trí mhí (m.sh. fostaíocht samhraidh).
Fíorú ag teastáil
Nóta: D’fhéadfadh PAC tuairiscí cánach a iarraidh mar fhíorú breise ar fhostaíocht.